| והרעב . כבד . בארץ | 1 |
| ויהי . כאשר . כילו . לאכול . את . השבר . אשר . הביאו . מימיצריים . ויואמר . אליהם . אביהם . שובו . שיברו . לנו . מעט . אוכל | 2 |
| ויואמר . אליו . יהודה . לאמור . העד . העיד . בנו . האיש . לאמור . לוא . תיראו . פני . בילתי . אחיכם . איתכם | 3 |
| אים . ישכה . משלח . את . אחינו . איתנו . נרדה . ונישברה . לכה . אוכל | 4 |
| ואים . אינכה . משלח . לוא . נרד . כי . האיש . אמר . אלינו . לוא . תיראו . פני . בילתי . אחיכם . איתכם | 5 |
| ויואמר . יסראל . למה . הרעותם . לי . להגיד . לאיש . העוד . לכם . אח | 6 |
| ויואמרו . שאול . שאל . האיש . לנו . ולמולדתנו . לאמור . העוד . אביכם . חי . היש . לכם . אח . ונגד . לו . על . פי . הדברים . האלה . הידוע . נדע . כי . יואמר . הורידו . את . אחיכם | 7 |
| ויואמר . יהודה . אל . יסראל . אביו . שילחה . הנער . איתי . ונקומה . ונלכה . וניחיה . ולוא . נמות . גם . אנחנו . גם . אתה . גם . טפנו | 8 |
| אנוכי . אערבנו . מידי . תבקשנו . אים . לוא . הביאותיו . אליכה . והיצגתיו . לפניכה . וחטאתי . לכה . כל . הימים | 9 |
| כי . לולא . היתמהמהנו . כי . עתה . שבנו . זה . פעמיים | 10 |
| ויואמר . אלהם . יסראל . אביהם . אים . כן . אפוא . זואת . עסו . קחו . מיזימרת . הארץ . ביכליכם . והורידו . לאיש . מינחה . מעט . צרי . ומעט . דבש . נכואת . ולוט . בטנים . ושקדים | 11 |
| וכסף . מישנה . קחו . בידכם . ואת . הכסף . המושב . בפי . אמתחותיכם . תשיבו . בידכם . אולי . מישגה . הוא | 12 |
| ואת . אחיכם . קחו . וקומו . שובו . אל . האיש | 13 |
| ואל . שדי . יתן . לכם . רחמים . ליפני . האיש . ושילח . לכם . את . אחיכם . אחר . ואת . בינימין . ואני . כאשר . שכולתי . שכלתי | 14 |
| ויקחו . האנשים . את . המינחה . הזואת . ומישנה . כסף . לקחו . בידם . ואת . בינימין . ויקומו . וירדו . מיצריים . ויעמדו . ליפני . יוס | 15 |
| וירא . יוסף . איתם . את . בינימין . ויואמר . לאשר . על . ביתו . הבא . את . האנשים . הביתה . וטבוח . טבח . והכן . כי . איתי . יואכלו . האנשים . בצהריים | 16 |
| ויעס . האיש . כאשר . אמר . יוסף . ויבא . האיש . את . האנשים . ביתה . יוס | 17 |
| וייראו . האנשים . כי . הובאו . בית . יוסף . ויואמרו . על . דבר . הכסף . השב . באמתחותינו . בתחילה . אנחנו . מובאים . להיתגולל . עלינו . ולהיתנפל . עלינו . ולקחת . אותנו . לעבדים . ואת . חמורינו | 18 |
| ויגשו . אל . האיש . אשר . על . בית . יוסף . וידברו . אליו . פתח . הביית | 19 |
| ויואמרו . בי . אדוני . ירוד . ירדנו . בתחילה . לישבר . אוכל | 20 |
| ויהי . כי . באנו . אל . המלון . וניפתחה . את . אמתחותינו . והינה . כסף . איש . בפי . אמתחתו . כספנו . במישקלו . ונשב . אותו . בידנו | 21 |
| וכסף . אחר . הורדנו . בידנו . לישבר . אוכל . לוא . ידענו . מי . סם . כספנו . באמתחותינו | 22 |
| ויואמר . שלום . לכם . אל . תיראו . אלוהיכם . ואלוהי . אביכם . נתן . לכם . מטמון . באמתחותיכם . כספכם . בא . אלי . ויוצא . אלהם . את . שימעון | 23 |
| ויבא . האיש . את . האנשים . ביתה . יוסף . ויתן . מיים . וירחצו . רגליהם . ויתן . מיספוא . לחמוריהם | 24 |
| ויכינו . את . המינחה . עד . בוא . יוסף . בצהריים . כי . שמעו . כי . שם . יואכלו . לחם | 25 |
| ויבוא . יוסף . הביתה . ויביאו . לו . את . המינחה . אשר . בידם . הביתה . וישתחוו . לו . ארצה | 26 |
| וישאל . להם . לשלום . ויואמר . השלום . אביכם . הזקן . אשר . אמרתם . העודנו . חי | 27 |
| ויואמרו . שלום . לעבדכה . לאבינו . עודנו . חי . ויקדו . וישתחוו | 28 |
| ויסא . עיניו . וירא . את . בינימין . אחיו . בן . אימו . ויואמר . הזה . אחיכם . הקטון . אשר . אמרתם . אלי . ויואמר . אלוהים . יחנכה . בני | 29 |
| וימהר . יוסף . כי . ניכמרו . רחמיו . אל . אחיו . ויבקש . ליבכות . ויבוא . החדרה . ויבך . שמה | 30 |
| וירחץ . פניו . ויצא . ויתאפק . ויואמר . סימו . לחם | 31 |
| ויסימו . לו . לבדו . ולהם . לבדם . ולמיצרים . האוכלים . איתו . לבדם . כי . לוא . יוכלון . המיצרים . לאכול . את . העיברים . לחם . כי . תועבה . היוא . למיצריים | 32 |
| וישבו . לפניו . הבכור . כיבכורתו . והצעיר . כיצעירתו . ויתמהו . האנשים . איש . אל . רעהו | 33 |
| ויסא . מסאות . מאת . פניו . אלהם . ותרב . מסאת . בינימין . מימסאות . כולם . חמש . ידות . וישתו . וישכרו . עימו | 34 |
