| ויסא . יעקוב . עיניו . וירא . והינה . עסו . בא . ועימו . ארבע . מאות . איש . ויחץ . את . הילדים . על . לאה . ועל . רחל . ועל . שתי . השפחות | 1 |
| ויסם . את . השפחות . ואת . ילדיהן . ריאשונה . ואת . לאה . וילדיה . אחרונים . ואת . רחל . ואת . יוסף . אחרונים | 2 |
| והוא . עבר . ליפניהם . וישתחו . ארצה . שבע . פעמים . עד . גישתו . עד . אחיו | 3 |
| וירץ . עסו . ליקראתו . ויחבקהו . ויפול . על . צוארו . וישקהו . ויבכו | 4 |
| ויסא . את . עיניו . וירא . את . הנשים . ואת . הילדים . ויואמר . מי . אלה . לך . ויואמר . הילדים . אשר . חןן . אלוהים . את . עבדכה | 5 |
| ותיגשן . השפחות . הנה . וילדיהן . ותישתחוין | 6 |
| ותיגש . גם . לאה . וילדיה . וישתחוו . ואחר . ניגש . יוסף . ורחל . וישתחוו | 7 |
| ויואמר . מי . לכה . כל . המחנה . הזה . אשר . פגשתי . ויואמר . לימצוא . חן . בעיני . אדוני | 8 |
| ויואמר . עסו . יש . לי . רב . אחי . יהי . לכה . אשר . לך | 9 |
| ויואמר . יעקוב . אל . נא . אים . נא . מצאתי . חן . בעיניכה . ולקחת . מינחתי . מידי . כי . על . כן . ראיתי . פניכה . כיראות . פני . אלוהים . ותירצני | 10 |
| קח . נא . את . בירכתי . אשר . הובאת . לך . כי . חנני . אלוהים . וכי . יש . לי . כול . ויפצר . בו . ויקח | 11 |
| ויואמר . ניסעה . ונלכה . ואלכה . לנגדכה | 12 |
| ויואמר . אליו . אדוני . יודע . כי . הילדים . רכים . והצואן . והבקר . עלות . עלי . ודפקום . יום . אחד . ומתו . כל . הצואן | 13 |
| יעבר . נא . אדוני . ליפני . עבדו . ואני . אתנהלה . לאיטי . לרגל . המלאכה . אשר . לפני . ולרגל . הילדים . עד . אשר . אבוא . אל . אדוני . סעירה | 14 |
| ויואמר . עסו . אציגה . נא . עימכה . מין . העם . אשר . איתי . ויואמר . למה . זה . אמצא . חן . בעיני . אדוני | 15 |
| וישב . ביום . ההוא . עסו . לדרכו . סעירה | 16 |
| ויעקוב . נסע . סוכותה . ויבן . לו . ביית . ולמיקנהו . עסה . סוכות . על . כן . קרא . שם . המקום . סוכות | 17 |
| ויבוא . יעקוב . שלם . עיר . שכם . אשר . בארץ . כנען . בבואו . מיפדן . ארם . ויחן . את . פני . העיר | 18 |
| ויקן . את . חלקת . הסדה . אשר . נטה . שם . אהלו . מיד . בני . חמור . אבי . שכם . במאה . קסיטה | 19 |
| ויצב . שם . מיזבח . ויקרא . לו . אל . אלוהי . יסראל | 20 |
