| וישב . יעקוב . בארץ . מגורי . אביו . בארץ . כנען | 1 |
| אלה . תולדות . יעקוב . יוסף . בן . שבע . עסרה . שנה . היה . רועה . את . אחיו . בצואן . והוא . נער . את . בני . בילהה . ואת . בני . זילפה . נשי . אביו . ויבא . יוסף . את . דיבתם . רעה . אל . אביהם | 2 |
| ויסראל . אהב . את . יוסף . מיכל . בניו . כי . בן . זקונים . הוא . לו . ועסה . לו . כתונת . פסים | 3 |
| ויראו . אחיו . כי . אותו . אהב . אביהם . מיכל . אחיו . ויסנאו . אותו . ולוא . יכלו . דברו . לשלום | 4 |
| ויחלום . יוסף . חלום . ויגד . לאחיו . ויוסיפו . עוד . סנוא . אותו | 5 |
| ויואמר . אליהם . שימעו . נא . החלום . הזה . אשר . חלמתי | 6 |
| והינה . אנחנו . מאלמים . אלומים . בתוך . הסדה . והינה . קמה . אלומתי . וגם . ניצבה . והינה . תסובינה . אלומותיכם . ותישתחוין . לאלומתי | 7 |
| ויואמרו . לו . אחיו . המלוך . תימלוך . עלינו . אים . משול . תימשול . בנו . ויוסיפו . עוד . סנוא . אותו . על . חלומותיו . ועל . דבריו | 8 |
| ויחלום . עוד . חלום . אחר . ויספר . אותו . לאחיו . ויואמר . הינה . חלמתי . חלום . עוד . והינה . השמש . והירח . ואחד . עסר . כוכבים . מישתחוים . לי | 9 |
| ויספר . אל . אביו . ואל . אחיו . ויגער . בו . אביו . ויואמר . לו . מה . החלום . הזה . אשר . חלמת . הבוא . נבוא . אני . ואימכה . ואחיכה . להישתחוֹת . לכה . ארצה | 10 |
| ויקנאו . בו . אחיו . ואביו . שמר . את . הדבר | 11 |
| וילכו . אחיו . לירעות . את . צואן . אביהם . בישכם | 12 |
| ויואמר . יסראל . אל . יוסף . הלוא . אחיכה . רועים . בישכם . לכה . ואשלחכה . אליהם . ויואמר . לו . הינני | 13 |
| ויואמר . לו . לך . נא . ראה . את . שלום . אחיכה . ואת . שלום . הצואן . והשיבני . דבר . וישלחהו . מעמק . חברון . ויבוא . שכמה | 14 |
| וימצאהו . איש . והינה . תועה . בסדה . וישאלהו . האיש . לאמור . מה . תבקש | 15 |
| ויואמר . את . אחי . אנוכי . מבקש . הגידה . נא . לי . איפוה . הם . רועים | 16 |
| ויואמר . האיש . נסעו . מיזה . כי . שמעתי . אומרים . נלכה . דותינה . וילך . יוסף . אחר . אחיו . וימצאם . בדותן | 17 |
| ויראו . אותו . מרחוק . ובטרם . יקרב . אליהם . ויתנכלו . אותו . להמיתו | 18 |
| ויואמרו . איש . אל . אחיו . הינה . בעל . החלומות . הלזה . בא | 19 |
| ועתה . לכו . ונהרגהו . ונשליכהו . באחד . הבורות . ואמרנו . חיה . רעה . אכלתהו . וניראה . מה . יהיו . חלומותיו | 20 |
| וישמע . ראובן . ויצילהו . מידם . ויואמר . לוא . נכנו . נפש | 21 |
| ויואמר . אלהם . ראובן . אל . תישפכו . דם . השליכו . אותו . אל . הבור . הזה . אשר . במידבר . ויד . אל . תישלחו . בו . למען . הציל . אותו . מידם . להשיבו . אל . אביו | 22 |
| ויהי . כאשר . בא . יוסף . אל . אחיו . ויפשיטו . את . יוסף . את . כותנתו . את . כתונת . הפסים . אשר . עליו | 23 |
| ויקחוהו . וישליכו . אותו . הבורה . והבור . רק . אין . בו . מיים | 24 |
| וישבו . לאכל . לחם . ויסאו . עיניהם . ויראו . והינה . אורחת . ישמעאלים . באה . מיגילעד . וגמליהם . נוסאים . נכואת . וצרי . ולוט . הולכים . להוריד . מיצרימה | 25 |
| ויואמר . יהודה . אל . אחיו . מה . בצע . כי . נהרוג . את . אחינו . וכיסינו . את . דמו | 26 |
| לכו . ונימכרנו . לישמעאלים . וידנו . אל . תהי . בו . כי . אחינו . בסרנו . הוא . וישמעו . אחיו | 27 |
| ויעברו . אנשים . מידינים . סוחרים . וימשכו . ויעלו . את . יוסף . מין . הבור . וימכרו . את . יוסף . לישמעאלים . בעסרים . כסף . ויביאו . את . יוסף . מיצרימה | 28 |
| וישב . ראובן . אל . הבור . והינה . אין . יוסף . בבור . ויקרע . את . בגדיו | 29 |
| וישב . אל . אחיו . ויואמר . הילד . איננו . ואני . אנה . אני . בא | 30 |
| ויקחו . את . כתונת . יוסף . וישחטו . סעיר . עיזים . ויטבלו . את . הכותונת . בדם | 31 |
| וישלחו . את . כתונת . הפסים . ויביאו . אל . אביהם . ויואמרו . זואת . מצאנו . הכר . נא . הכתונת . בינכה . היוא . אים . לוא | 32 |
| ויכירה . ויואמר . כתונת . בני . חיה . רעה . אכלתהו . טרוף . טורף . יוס | 33 |
| ויקרע . יעקוב . סימלותיו . ויסם . סק . במתניו . ויתאבל . על . בנו . ימים . רבים | 34 |
| ויקומו . כל . בניו . וכל . בנותיו . לנחמו . וימאן . להיתנחם . ויואמר . כי . ארד . אל . בני . אבל . שאולה . ויבך . אותו . אביו | 35 |
| והמדנים . מכרו . אותו . אל . מיצריים . לפוטיפר . סריס . פרעוה . סר . הטבחים | 36 |
