| ויבוא . יוסף . ויגד . לפרעוה . ויואמר . אבי . ואחי . וצואנם . ובקרם . וכל . אשר . להם . באו . מארץ . כנען . והינם . בארץ . גושן | 1 |
| ומיקצה . אחיו . לקח . חמישה . אנשים . ויציגם . ליפני . פרעוה | 2 |
| ויואמר . פרעוה . אל . אחיו . מה . מעסיכם . ויואמרו . אל . פרעוה . רועה . צואן . עבדיכה . גם . אנחנו . גם . אבותינו | 3 |
| ויואמרו . אל . פרעוה . לגור . בארץ . באנו . כי . אין . מירעה . לצואן . אשר . לעבדיכה . כי . כבד . הרעב . בארץ . כנען . ועתה . ישבו . נא . עבדיכה . בארץ . גושן | 4 |
| ויואמר . פרעוה . אל . יוסף . לאמור . אביכה . ואחיכה . באו . אליכה | 5 |
| ארץ . מיצריים . לפניכה . היוא . במיטב . הארץ . הושב . את . אביכה . ואת . אחיכה . ישבו . בארץ . גושן . ואים . ידעת . ויש . בם . אנשי . חייל . וסמתם . סרי . מיקנה . על . אשר . לי | 6 |
| ויבא . יוסף . את . יעקוב . אביו . ויעמידהו . ליפני . פרעוה . ויברך . יעקוב . את . פרעוה | 7 |
| ויואמר . פרעוה . אל . יעקוב . כמה . ימי . שני . חייכה | 8 |
| ויואמר . יעקוב . אל . פרעוה . ימי . שני . מגורי . שלושים . ומאת . שנה . מעט . ורעים . היו . ימי . שני . חיי . ולוא . היסיגו . את . ימי . שני . חיי . אבותי . בימי . מגוריהם | 9 |
| ויברך . יעקוב . את . פרעוה . ויצא . מיליפני . פרעוה | 10 |
| ויושב . יוסף . את . אביו . ואת . אחיו . ויתן . להם . אחוזה . בארץ . מיצריים . במיטב . הארץ . בארץ . רעמסס . כאשר . ציוה . פרעוה | 11 |
| ויכלכל . יוסף . את . אביו . ואת . אחיו . ואת . כל . בית . אביו . לחם . לפי . הט | 12 |
| ולחם . אין . בכל . הארץ . כי . כבד . הרעב . מאוד . ותלה . ארץ . מיצריים . וארץ . כנען . מיפני . הרעב | 13 |
| וילקט . יוסף . את . כל . הכסף . הנימצא . בארץ . מיצריים . ובארץ . כנען . בשבר . אשר . הם . שוברים . ויבא . יוסף . את . הכסף . ביתה . פרעוה | 14 |
| ויתום . הכסף . מארץ . מיצריים . ומארץ . כנען . ויבואו . כל . מיצריים . אל . יוסף . לאמור . הבה . לנו . לחם . ולמה . נמות . נגדכה . כי . אפס . כס | 15 |
| ויואמר . יוסף . הבו . מיקניכם . ואתנה . לכם . במיקניכם . אים . אפס . כס | 16 |
| ויביאו . את . מיקניהם . אל . יוסף . ויתן . להם . יוסף . לחם . בסוסים . ובמיקנה . הצואן . ובמיקנה . הבקר . ובחמורים . וינהלם . בלחם . בכל . מיקנהם . בשנה . ההיוא | 17 |
| ותיתום . השנה . ההיוא . ויבואו . אליו . בשנה . השנית . ויואמרו . לו . לוא . נכחד . מאדוני . כי . אים . תם . הכסף . ומיקנה . הבהמה . אל . אדוני . לוא . נישאר . ליפני . אדוני . בילתי . אים . גויתנו . ואדמתנו | 18 |
| למה . נמות . לעיניכה . גם . אנחנו . גם . אדמתנו . קנה . אותנו . ואת . אדמתנו . בלחם . וניהיה . אנחנו . ואדמתנו . עבדים . לפרעוה . ותן . זרע . וניחיה . ולוא . נמות . והאדמה . לוא . תשם | 19 |
| ויקן . יוסף . את . כל . אדמת . מיצריים . לפרעוה . כי . מכרו . מיצריים . איש . סדהו . כי . חזק . עלהם . הרעב . ותהי . הארץ . לפרעוה | 20 |
| ואת . העם . העביר . אותו . לערים . מיקצה . גבול . מיצריים . ועד . קצהו | 21 |
| רק . אדמת . הכוהנים . לוא . קנה . כי . חוק . לכוהנים . מאת . פרעוה . ואכלו . את . חוקם . אשר . נתן . להם . פרעוה . על . כן . לוא . מכרו . את . אדמתם | 22 |
| ויואמר . יוסף . אל . העם . הן . קניתי . אתכם . היום . ואת . אדמתכם . לפרעוה . הא . לכם . זרע . וזרעתם . את . האדמה | 23 |
| והיה . בתבואות . ונתתם . חמישית . לפרעוה . וארבע . הידות . יהיה . לכם . לזרע . הסדה . ולאכלכם . ולאשר . בבתיכם . ולאכול . לטפכם | 24 |
| ויואמרו . החייתנו . נימצא . חן . בעיני . אדוני . והיינו . עבדים . לפרעוה | 25 |
| ויסם . אותה . יוסף . לחוק . עד . היום . הזה . על . אדמת . מיצריים . לפרעוה . לחומש . רק . אדמת . הכוהנים . לבדם . לוא . היתה . לפרעוה | 26 |
| וישב . יסראל . בארץ . מיצריים . בארץ . גושן . ויאחזו . בה . ויפרו . וירבו . מאוד | 27 |
| ויחי . יעקוב . בארץ . מיצריים . שבע . עסרה . שנה . ויהי . ימי . יעקוב . שני . חייו . שבע . שנים . וארבעים . ומאת . שנה | 28 |
| ויקרבו . ימי . יסראל . למות . ויקרא . ליבנו . ליוסף . ויואמר . לו . אים . נא . מצאתי . חן . בעיניכה . סים . נא . ידכה . תחת . ירכי . ועסית . עימדי . חסד . ואמת . אל . נא . תיקברני . במיצריים | 29 |
| ושכבתי . עים . אבותי . ונסאתני . מימיצריים . וקברתני . ביקבורתם . ויואמר . אנוכי . אעסה . כידברכה | 30 |
| ויואמר . הישבעה . לי . וישבע . לו . וישתחו . יסראל . על . רואש . המיטה | 31 |
